බාබර් අසාම් දෙවැනි ටෙස්ට් තරගයට යළි එක්වීමට සූදානම්
පාකිස්තාන නායක බාබර් අසාම් එංගලන්තයට එරෙහිව ලෝඩ්ස්හිදී ආරම්භ වීමට නියමිත දෙවැනි ටෙස්ට් තරගයට යළි ක්රීඩා කිරීමට සූදානමින් සිටින බව වාර්තා වේ.
ඇඟිල්ලේ ආබාධයකින් සුවය ලබමින් සිටින බාබර් අසාම් ඊයේ පැවති පුහුණු සැසියේදී වේග පන්දු යවන්නන්, දඟ පන්දු යවන්නන් සහ throwdowns හමුවේ සම්පූර්ණ පිතිකරණ පුහුණුවක නිරත වී තිබේ.
පාකිස්තාන පන්දු යැවීමේ පුහුණුකරු උමාර් ගුල් සඳහන් කළේ බාබර් පුහුණුවීම් අතරතුර හොඳින් පිතිකරණයේ නිරත වූ බවත්, දෙවැනි ටෙස්ට් තරගයට ඔහු ක්රීඩා කිරීමට හැකි වනු ඇතැයි බලාපොරොත්තු වන බවත්ය.
පළමු ටෙස්ට් තරගයේදී එංගලන්තය හමුවේ පාකිස්තාන පිතිකරණය දැඩි ලෙස අසාර්ථක වූ බැවින් බාබර්ගේ නැවත පැමිණීම කණ්ඩායමට විශාල ශක්තියක් වනු ඇත.
බාබර් අසාම් කණ්ඩායමට එක්වුවහොත් ඔහු අංක 4 ස්ථානයේ පිතිකරණයට පැමිණීමට නියමිත අතර, ඉහළ පෙළේ පිතිකරණ සංයුතියේ වෙනසක් සිදුවනු ඇත.
එංගලන්තයේදී බාබර්ටද විශිෂ්ට වාර්තාවක් ඇති අතර, ඉනිම 6කදී අර්ධ ශතක 3ක් සමඟ ලකුණු සාමාන්යය 65.75ක් ලෙස පවත්වාගෙන ඇත.
