කාසියේ වාසිය බටහිර ඉන්දීය කොදෙව්වන්ට – ඉන්දියාව වෙනස්කම් දෙකක් සමඟ පිටියට

ඉන්දියාව සහ බටහිර ඉන්දීය කොදෙව් කණ්ඩායම් අතර පැවැත්වෙන තෙවැනි විස්සයි20 තරගයේ කාසියේ වාසිය දිනාගත් බටහිර ඉන්දීය කොදෙව් නායක ශායි හෝප් පළමුව පන්දු රැකීමට තීරණය කළේය.

මෙම තරගය ඉහළ ලකුණු සංඛ්‍යාවක් වාර්තා විය හැකි තරගයක් ලෙස සැලකෙන අතර, මෙම සංචාරයේ මෙතෙක් පැවැති තරග පහම ජයගෙන ඇත්තේ දෙවැනියට පන්දුවට පහරදුන් කණ්ඩායම් වීම විශේෂත්වයකි.

ඉන්දීය කණ්ඩායම මෙම තරගය සඳහා වෙනස්කම් දෙකක් සිදුකර තිබේ. කුල්දීප් යාදව් වෙනුවට ප්‍රින්ස් යාදව් කැඳවා ඇත්තේ ඉන්දෝර් ක්‍රීඩාංගණයේ කෙටි හතරේ සීමා සැලකිල්ලට ගනිමිනි. ඒ අනුව, තවත් දඟ පන්දු යවන්නෙකු වෙනුවට වේග පන්දු යැවිය හැකි ක්‍රීඩකයෙකුට අවස්ථාව ලබාදී තිබේ. ශිවම් ඩුබේ වෙනුවට නිතිෂ් කුමාර් රෙඩ්ඩි ද කණ්ඩායමට එක්කර ඇත. වෛභව් සූර්යවංශිට මෙවරත් අවසන් ක්‍රීඩකයන් එකොළොස්දෙනා අතරට එක්වීමට අවස්ථාව ලැබී නොමැත.

බටහිර ඉන්දීය කොදෙව් කණ්ඩායම ද වෙනස්කම් දෙකක් සිදුකර තිබේ. දෙවැනි තරගයේදී සිය පන්දු වාරය අවසන් කිරීමට නොහැකි වූ රොමාරියෝ ෂෙපර්ඩ් වෙනුවට ක්වෙන්ටින් සැම්ප්සන් කැඳවා ඇත. අකීල් හොසෙන් වෙනුවට වේග පන්දු යැවිය හැකි තුන් ඉරියව් ක්‍රීඩක කීමෝ පෝල් ද කණ්ඩායමට එක්කර තිබේ.

ඉන්දීය කණ්ඩායම: අභිෂේක් ෂර්මා, සංජු සැම්සන්, ඉෂාන් කිෂන්, ශ්‍රෙයාස් අයියර් (නායක), තිලක් වර්මා, නමන් ධීර්, නිතිෂ් කුමාර් රෙඩ්ඩි, අක්ෂර් පටෙල්, ප්‍රින්ස් යාදව්, මායන්ක් යාදව්, අර්ෂ්දීප් සිං.

බටහිර ඉන්දීය කොදෙව් කණ්ඩායම: ශායි හෝප් (නායක සහ කඩුලු රකින්නා), කමිල් පූරන්, ෂිම්රන් හෙට්මයර්, රොව්මන් පවෙල්, ෂර්ෆේන් රදර්ෆර්ඩ්, ක්වෙන්ටින් සැම්ප්සන්, රොස්ටන් චේස්, ෂමාර් ස්ප්‍රින්ගර්, කීමෝ පෝල්, ෂමාර් ජෝසප්, ගුඩකේෂ් මෝටි.