දකුණු අප්‍රිකාවට T20I Tri-Series ශූරතාව – සිම්බාබ්වේට ලකුණු 48ක පරාජයක්

Namibia හි Windhoekදී පැවැති T20I Tri-Series අවසන් තරගයේදී Zimbabwe කණ්ඩායම ලකුණු 48කින් පරාජය කරමින් South Africa ශූරතාව දිනා ගැනීමට සමත් වුණා.

තරගයේ පළමුවෙන් පන්දුවට පහරදුන් South Africa කණ්ඩායම නියමිත පන්දුවාර 20 අවසානයේදී කඩුලු 5ක් දැවී ලකුණු 205ක් රැස් කළා.

South Africa ඉනිමට වේගවත් ආරම්භයක් ලබාදුන් Jordan Hermann පන්දු 29කදී ලකුණු 53ක් රැස් කළ අතර, එයට හතරේ පහර 8ක් සහ හයේ පහරක් ඇතුළත් වුණා. මෙය ඔහුගේ පළමු T20I half-century එක වීම විශේෂත්වයක්.

ඔහු සමඟ ආරම්භක පිතිකරණයේ එක්වූ Connor Esterhuizen ලකුණු 32ක් රැස් කළ අතර, ඔවුන් දෙදෙනා පළමු කඩුල්ල වෙනුවෙන් ලකුණු 84ක සාර්ථක opening partnership එකක් ගොඩනැගුවා.

අනතුරුව Dewald Brevis ලකුණු 32ක් සහ Rubin Hermann ලකුණු 27ක් ලබාගත් අතර, අවසන් පන්දුවාර කිහිපයේදී Duan Jansen පන්දු 14කින් නොදැවී ලකුණු 23ක් ලබාදෙමින් South Africa ලකුණු 200 සීමාව ඉක්මවා ගෙන ගියා.

ලකුණු 206ක දැවැන්ත target එකක් හඹාගිය Zimbabwe කණ්ඩායමට ආරම්භයේදීම දැඩි පීඩනයකට මුහුණදීමට සිදුවුණා. Powerplay අවසන් වන විට ඔවුන් කඩුලු 4ක් දැවී ලකුණු 46ක් පමණක් ලබා සිටියා.

Eathan Bosch සහ Duan Jansen Powerplay එකේදී Zimbabwe top order එකට දැඩි බලපෑමක් එල්ල කළ අතර, Bosch කඩුලු 2ක් සහ Jansen කඩුලු 2ක් දවාගත්තා.

අනතුරුව Bjorn Fortuin ද විශිෂ්ට bowling performance එකක් ලබාදෙමින් කඩුලු 3ක් දවාගත්තා. Zimbabwe ඉනිම පන්දුවාර 18කදී ලකුණු 157කට සීමා වුණා.

Zimbabwe වෙනුවෙන් Brad Evans පන්දු 31කදී නොදැවී ලකුණු 56ක් ලබාගනිමින් සටන්කාමී innings එකක් ක්‍රීඩා කළත්, එය තම කණ්ඩායම ජයග්‍රහණය කරා රැගෙන යාමට ප්‍රමාණවත් වූයේ නැහැ.

South Africa වෙනුවෙන් Bjorn Fortuin 3/24ක් සහ Duan Jansen 3/38ක් ලෙස කඩුලු 3 බැගින් දවාගත් අතර, Eathan Bosch 2/22ක් ලබාගත්තා.

ඒ අනුව Zimbabwe ලකුණු 157කට දැවී යාමත් සමඟ South Africa ලකුණු 48ක ජයක් වාර්තා කරමින් T20I Tri-Series ශූරතාව තමන් සතු කරගත්තා.