කාන්තා ආසියානු කුසලාන තරගාවලියේ සිය ශූරතාව ආරක්ෂා කර ගැනීමේ ගමන ආරම්භ කරමින් ශ්රී ලංකා කාන්තා කණ්ඩායම එක්සත් අරාබි එමීර් රාජ්යයට එරෙහි තරගයේදී කාසියේ වාසිය දිනා පළමුව පන්දු යැවීමට තීරණය කර තිබේ.
නායිකා චමරි අතපත්තු මෙම තීරණය ගත් අතර, සත්කාරක UAE කණ්ඩායම පළමුව පිතිකරණයට පැමිණෙයි.
ශ්රී ලංකා කණ්ඩායමේ අවසන් වරට පාකිස්තානයට එරෙහිව ක්රීඩා කළ කණ්ඩායමට සාපේක්ෂව වෙනස්කම් කිහිපයක් සිදුකර තිබේ. ජ්යෙෂ්ඨ තුන් ඉරියව් ක්රීඩිකා නිලක්ෂි ද සිල්වා සහ වමත් දඟපන්දු යවන සුගන්ධිකා කුමාරි නැවත කණ්ඩායමට කැඳවා ඇත.
එමෙන්ම මීට පෙර එක්දින ජාත්යන්තර තරග 6කට ක්රීඩා කර ඇති චෙතනා විමුක්ති අද සිය පළමු T20 ජාත්යන්තර තරගයට ක්රීඩා කරයි. 19 හැවිරිදි වේගපන්දු යවන මිතිලායා අයෝධාද කණ්ඩායමට ඇතුළත් කර තිබේ.
මැද පෙළ පිතිකාරිනී හසිනි පෙරේරා මෙවර කණ්ඩායමෙන් ඉවත් කර ඇති අතර, කව්යා කවින්දි සහ නිමාෂා මීපගේද අවසන් 11ට ඇතුළත් වී නොමැත.
ශ්රී ලංකාව 2024 වසරේ පැවැති අවසන් තරගයේදී ඉන්දියාව පරාජය කරමින් සිය පළමු කාන්තා ආසියානු කුසලාන ශූරතාව දිනාගත් අතර, මෙවර තරගාවලියට පිවිසෙන්නේ එම ශූරතාව ආරක්ෂා කර ගැනීමේ අරමුණෙනි.
ශ්රී ලංකා කණ්ඩායම: චමරි අතපත්තු (නායිකා), ඉමේෂි දුලානි, සංජනා කවින්දි, හර්ෂිතා සමරවික්රම, කවිෂා දිල්හාරි, කෞෂිනි නුත්යංගනා (කඩුලු රකින්නිය), නිලක්ෂි ද සිල්වා, සුගන්ධිකා කුමාරි, චමුදි ප්රබෝධා, චෙතනා විමුක්ති, මිතිලායා අයෝධා.
